Pokémon Go 新手实战攻略!教你做精灵训练员!Pok

2020-06-08
139 评论
785 人参与
Pokémon Go 新手实战攻略!教你做精灵训练员!Pok
Q:係咪要长开部手机先捉到小精灵?
A:官方指当有小精灵出现时,App 会发出声效同震动提示,进入游戏 App 并点一下小精灵,就可以连接到手机镜头,睇到 AR 效果现身的小精灵。 不过暂时通知功能似乎唔太稳定,想悭电咪忍手唔好长开啰。

Q:係咪要 Fing 部手机捉小精灵?
A:唔使嘅,按住屏幕画面上的精灵球,瞄準小精灵扫过去,就可以捉住小精灵。一次扔唔中,扔多几次就得,扔唔中都唔会浪费精灵球;留意返,扔中都唔代表捉到,小精灵有机会跳返出嚟。按住精灵球时会见到小精灵身上不同颜色的瞄準圈,代表不同的捕捉难度,绿色代表容易,橙色为中度,红色为最难。

Q:喺电梯内同搭地铁係咪玩唔到?
A:Pokémon Go 使用 GPS 定位,根据阁下实际位置,在地图上移动。如果身处环境 GPS 讯号不稳定,如电梯、地铁车厢等等,就有可能玩唔到。

Pokémon Go 新手实战攻略!教你做精灵训练员!Pok
Q:係咪只有喺水边先有水属小精灵?
A:唔一定,只係水边出现水属小精灵的机会率比较高,但其他地方一样会有。在 App 上点选右下角即可查看附近可能出现的小精灵,有树叶同脚印的地方就代表有小精灵,目前有初代共 151 只精灵。在 Items 选择 Incense(香氛)亦可以吸引更多小精灵埋嚟,效力持续 30 分钟;如果发现附近有可能出现稀有小精灵,不妨试试。另外到粉红色花瓣的 PokéStop 代表有人使用了诱惑模式(Lure Module),30 分钟内会吸引更多精灵出现,行埋 PokéStop 就可以(贴士:今日在观塘 APM 附近的多个 PokéStop 都有 Lure Module)。

Pokémon Go 新手实战攻略!教你做精灵训练员!Pok
Q:地图上啲蓝色站同银色站係咩嚟?係咪有小精灵?
A:蓝色站係 PokéStop,主要提供各种道具,包括精灵球、蛋同药水等。行到 PokéStop 附近,会见到地图上面 PokéStop 上的正方体会转为圆形,点一下就会见到 PokéStop 位置及图片,轻扫一下就会跌出道具。银色站为道馆(Gym),作对战之用,等级 5 以上就可以挑战道馆。

Pokémon Go 新手实战攻略!教你做精灵训练员!Pok
Q:点样挑战道馆?
A:升到等级 5 时,就可以加入红、黄或蓝队,同其他精灵训练员一齐挑战道馆(不过拣咗队就冇得转)。如果附近的道馆未有人佔领,你可以点选后再安排精灵驻场,迎接挑战者。挑战敌队道馆时,每场比赛可以选择6只小精灵,点按小精灵就可以发动攻击,当 HP 跌至零时小精灵就晕倒;其中一方所有小精灵 HP 都跌至零时战斗就结束。CP 值愈高的小精灵,战斗力愈高,另外每只小精灵都各自有不同技能,挑战自己队的道馆都可以令小精灵提升战斗力。

Q:有冇得同朋友对战?
A:暂时未有得同其他玩家对战,亦未有得交换精灵,官方指未来或会逐步开放有关功能。

Q:小精灵 HP 跌到零之后点做?
A:去 Items 中搵药水,再点选需要复原嘅小精灵,就可以帮佢补血。

Pokémon Go 新手实战攻略!教你做精灵训练员!Pok
Q:拎咗蛋后要点做?
A:每只蛋都会孵化成一只小精灵,先点选画面正下方的精灵球,再选择 Pokémon,点按 Eggs,就可以睇到已得到的蛋及孵化所需步行距离;愈稀有的小精灵,所孵化所需步行距离愈远。将蛋放入孵化器,行返几公里减下肥,就会得到小精灵啦!(江湖传闻,将手机放喺黑胶碟机、单车辘等等上转都可以孵化精灵蛋)

Q:点样帮小精灵进化?
A:进化小精灵需要特定数量的糖果(Candy),点选精灵再往下扫查看进化(Evolve),就可以见到所需 Candy 数量。每次捉一只精灵、孵蛋或将精灵 Transfer 给博士(Professor),就可以获得Candy;换言之想进化一只小火龙,就需要捉更多小火龙!(最佳方法係见到任何精灵都捉咗先,之后再决定留低或 Transfer。)

Pokémon Go 新手实战攻略!教你做精灵训练员!Pok
Q:星屑(Stardust)有咩用?
A:Stardust 可以用于加强精灵的 CP 值及 HP 值,令牠们升级。同样地,每次捉一只精灵、孵蛋或将精灵卖给博士(Professor),就可以获得 Stardust。在小精灵按 Power Up,就可以帮佢哋升级啦!

Q:转机会唔会冇纪录?
A:安装 Pokémon Go 后,大家可以选择用 Google 帐户登入,咁就即使换机或者炒 App 需要重新安装,都唔会冇晒所有纪录,重新登入就可以继续玩。

Q:点样关闭背景音乐?
A:大家可以按画面正下方的精灵球,再按左上角,进入设定,选择开关背景音乐、音效、省电模式等等。

Q:係咪可以用交通工具代替步行嚟孵蛋?
A:可以,但有两个条件:1. 要长开着个 game (废话);2. 车速唔可以快过 10km/h,所以铁路一定冇可能,巴士都要塞车先得。最有效嘅係单车慢骑。

开 GAME 前谂一谂 送你一只比卡超
上一篇: 下一篇:

精彩推荐